هيضني موج البحر يومه تصافق
والشاطي الي عانقـه بالرمالـي
|
والريح ذي هبت لها صوت خارق
تداعب الامـواج ريـح الشمالـي
|
وفي جوه الساحر غيومه تعانـق
ترسم لناصـوره بواقـع خيالـي
|
تحكي لنا قصة محبـة وعاشـق
اتقابلوا بعـد السنيـن الطوالـي
|
وتشكل البسمه لشـوع البـوارق
ودمع الفرح من دور مزن المخالي
|
لوحه تهيض كل عاشق مفـارق
تعيد له ذكـرى وشـوق الليالـي
|
مشتاق لك يابعد روحي وضايـق
ومن زود شوقي لك احاتي خيالي
|
واشوف كلن مع حبيبتـه رايـق
وانا على الكرنيش جالس لحالـي
|
رسمت لك قلبي على الشط غارق
ونضمت لك شعري ولا ني بسالي
|
كي تذكرين ايـام مـرت تسابـق
عشنا بها احلى ليـال الوصالـي
|
نفس المكان ولو في الوقت فارق
الصـوره الاولـى تكـرر قبالـي
|
وارسلتها ذكرى بمضروف حارق
تنبيك عن حالي وعن ماجرالـي
|
ليست هناك تعليقات:
إرسال تعليق